點解啲英文學唔好: 解讀一般家長對學習英文嘅誤解
好多家長都以仔女學好英文作為中之重嘅目的， 因為佢哋覺得只要英文好嘅話就一定可以入到學校將來一定可以搵到食。但係隨著英文教育愈來愈普及，一個學生要英文變得特別零舍標清呢就會冇咁容易，因為競爭對手係多咗同埋能力係高咗嘅。 喺呢個咁競爭激烈嘅環境之下，家長點樣可以令到仔女學英文學得好啲呢? https://books.google.com.hk/books/about?id=9RHADwAAQBAJ&redir_esc=y
Category: Google play Books
我和福士有個約會: 話你聽點解你架福士咁易壞
我成世人擁有同埋駕駛過至少十款不同牌子嘅汽車，由美國到香港，日本牌子歐洲牌子都試過。直至到最近喺九龍灣一間有代理好多新車又賣二手車嘅巨型黑店嗰度買咗架福士，喺我嘅駕駛人生入面即時多咗好多豐富嘅經驗! 福士，老老實實係好揸嘅，如果冇嘢壞嘅時候佢又好揸又好力亦都唔 大食。不過呢你想佢唔好咁易壞呢就真係好多嘢要極之小心! https://books.google.com.hk/books/about?id=efXADwAAQBAJ&redir_esc=y&hl=zh-TW
購買村屋: 話你聽點樣可以唔使踩地雷
喺香港，村屋係一種好奇特嘅產物。有啲就兩層高，有啲就三層高，但係個尺寸一般都係每層700呎，一係每層400呎，有啲就每層250/300呎， 有啲就唔足尺。有啲村屋可能係幾間細嘅拍埋一齊你就咁睇落去以為係一間，原來係分開兩三張契嘅 咁你就要預多幾個人頭去買啦。 知道了解多一啲當然唔會蝕底，但係當你去到現場實地面對住唔同嘅村屋物業時，往往就會發現呢啲分類未必完全百分百合用，因為唔同地區唔同鄉村嘅村屋喺唔同時間嘅批地條款可能都會有所不同，就算係律師都要成份契慢慢睇清楚先至會知道個大概。 所以與其將精神花係研究呢間村屋係啲乜嘢新屋契舊屋契之類，不如畀啲時間去研究同埋諗下其他一啲真正可以攞你命嘅地雷陷阱好過。 https://play.google.com/books/publish/u/0/a/1590902407290687807#book/GGKEY:Y3F2DE8D23L;jc=true/review
家長十錯: 話你聽點解你個仔唔聽話
教仔好難我諗今時今日絕大部分人都認同。如果你問點解就個個都會話你聽係因為啲仔難教。但係畀呢個答案嘅人差唔多個個都唔記得咗自己當年做細路嘅時候咪一樣咁難教。只係自己老豆老母年紀大咗，一係唔鬼記得咗以前發生過嘅事一係而家費事講番你啫。 其實差不多所有年輕人都會有啲共通特點，而呢啲特點幾十年前同而家都係一模一樣。搞清楚啲特點你就會了解到點樣同佢哋相處唔會咁快搞到兵戎相見。 對住佢哋有啲錯係唔應該犯嘅。 呢本書仔入面講嘅係其中十個最常見又最有破壞力嘅錯誤。 大家如果睇完呢本書仔覺得有任何得著又或者覺得暢快咗嘅話，不妨做少少善事搵啲本地真係做實事嘅慈善團體捐下錢。做多啲善事福有攸歸 🙂 https://books.google.com.hk/books/about?id=RP29DwAAQBAJ&redir_esc=y
塞爆之城: 淺談香港一日到黑塞車嘅原因
塞爆之城: 淺談香港一日到黑塞車嘅原因 https://books.google.com.hk/books/about?id=oEm9DwAAQBAJ&redir_esc=y